25.11.2011

2011թ. նոյեմբերի 24-ին, "Գործընկերություն և ուսուցում" /ԳՈՒՄ ՀԿ-ի և Վորլդ Վիժն Սիսիանի ՏԶԾ-ի  գործընկերության շրջանակներում,  Սիսիանում`  ՎՎ Սիսիանի ՏԶԾ-ի գրասենյակում,  տեղի է ունեցել "Համագործակցային աշխատանքը` որպես համայնքային զարգացման հնարավորություն" թեմայով աշխատանքային հանդիպում:

Հանդիպման նպատակն էր`

  . թիրախ համայնքների ՏԻՄ-երի, ՔՀԿ-ների և Սյունիքի մարզպետարանի մասնակցությամբ ս/թ հունիսին համայնքային հիմնախնդիրների լուծմանն ուղղված համագործակցային աշխատանքային պլանի   շրջանակներում կատարված  աշխատանքների ներկայացումն ու քննարկումը.

 .       համագործակցային աշխատանքի հետագա պլանավորում` ժամանակացույցի, հաղորդակցման ուղիների և մեխնիզմների հստակեցումը:

Աշխատանքային հանդիպումը վարել է "Գործընկերություն և ուսուցում"/ԳՈՒՄ ՀԿ-ի  գործադիր տնօրեն Արտաշես Տոռոզյանը: Աշխատանքային հանդիպմանը մասնակցել են ՀՀ Սյունիքի մարզպետարանի ՏԻ և ՀԳՄ վարչության պետը, Գորիսի և Սիսիանի տարածաշրջանների  24 թիրախ համայնքների ղեկավարներ և ավագանիներ, ՎՎ Սիսիանի ՏԶԾ-ի և ՀԶԱՑ-ի ներկայացուցիչներ:

Հանդիպման մասնակիցներին ողջունեցին և համագործակցային նման աշխատանքային հանդիպումների կարևորությունն ընդգծող ելույթներով հանդես եկան  ՎՎ Սյունիքի զարգացման ծրագրի ղեկավար Էմմա Կաջոյանն ու ՀՀ Սյունիքի մարզպետարանի ՏԻ և ՀԳՄ վարչության պետ Սեյրան Ավետիսյանը: Ս. Ավետիսյանը նշեց, որ  նման հանդիպումները շատ լավ հնարավորություն են ստեղծում  համայնքային հիմնախնդիրների  վերաբերյալ  միաժամանակ լսել և' համայնքի ղեկավարների և' շահագրգիռ մյուս կողմերի դիրքորոշումները:

Համայնքային հիմնախնդիրների լուծմանն ուղղված  կատարված աշխատանքների ներկայացումից հետո մատնանշվեցին հետագա համագործակցության քայլերը: