ՏԻՄ-երի կարողությունների զարգացում ծրագրի դասընթացավարների մրցույթ-հրավեր

19.01.2012

 “ՏԻՄ-երի կարողությունների զարգացում” ծրագրի շրջանակներում իրականացվող սույն մրցույթ-հրավերի նպատակն է բացահայտել և հավաքագրել տեղական ինքնակառավարման (ՏԻՄ) ոլորտի փորձագետների, որոնք ունեն մասնագիտական փորձառություն և/կամ դասընթաց վարելու փորձ: ՏԻՄ գործառութային ոլորտներից, օրինակ.

• ՏԻՄ-ի օրենսդրություն,
• Ռազմավարական պլանավորում և առաջնորդություն,
• Ծառայությունների մատուցում,
• ԶԼՄ-ների և ընտրազանգվածի հետ կապեր (PR),
• Ֆինանսական պլանավորում,
• Վարչական կառավարում,
• Մասնակցային և թափանցիկ կառավարում:

Սույն մրցույթն իրականացվում է “Գործընկերություն և ուսուցում” /ԳՈՒՄ/ ՀԿ-ի կողմից` “Քաղաքացիական զարգացման և գործընկերության հիմնադրամ” /ՔԶՀՀ/-ի և “ՀԿ Կենտրոն Հյուսիս” Քաղաքացիական հասարակության զարգացման կազմակերպություն” ՀԿ-ի հետ համատեղ: “ՏԻՄ-երի կարողությունների զարգացում” ծրագիրն իրականացվում է Քաղաքացիական հասարակության և տեղական ինքնակառավարման աջակցության (ՔՀՏԻԱ) քառամյա ծրագրի շրջանակներում, որը ֆինանսավորվում է ԱՄՆ միջազգային զարգացման գործակալության կողմից:

Սույն մրցույթի արդյունքում կձևավորվի փորձագետ-դասընթացավարների (ինչպես օրինակ` համայնքային իրավաբանների, ֆինանսիստների, հասարակայնության հետ կապերի մասնագետների, կադրերի պատասխանատուների և այլոց) երեք խումբ` Հայաստանի հյուսիսային, կենտրոնական և հարավային հատվածներում: Նրանց համար կանցկացվեն դասընթացավարների վերապատրաստում (ToT) և կողմնորոշիչ դասընթացներ (ս/թ. մարտ ամսին)` իրենց մասնագիտություններին համապատասխան: Ակնկալվում է, որ վերը նշված դասընթացներն անցնելուց հետո այդ փորձագետ-դասընթացավարները դասընթացներ կվարեն ՏԻՄ-երի ներկայացուցիչների համար այս ծրագրի երկրորդ փուլի ժամանակ (2012թ.-ի հոկտեմբեր -- 2013թ.-ի սեպտեմբեր): 

 Փորձագետ-դասընթացավարների ընտրության ընթացքում հաշվի կառնվեն հետևյալ չափորոշիչները.

• ՏԻՄ համակարգի և գործառույթների իմացությունը,
• դիմորդի փորձը համայնքային ծառայությունների և նմանատիպ այլ նախաձեռնությունների իրականացման ոլորտում,
• դիմորդի ոլորտային փորձառությունը, ինչպես օրինակ` համայնքային իրավաբանների, ֆինանսիստների, հասարակայնության հետ կապերի մասնագետների, կադրերի պատասխանատուների և այլոց,
• դիմորդի դասընթաց վարելու փորձը խրախուսվում է:

 Բոլոր հետաքրքրված անձանց խնդրում ենք մինչև ս/թ. փետրվարի 6-ը, ժամը 17:00 լրացնել դիմում-հայտի ձևաչափը /կից ներկայացված/ և ուղարկել էլ. հասցեով կամ հանձնել հետևյալ կազմակերպություններին.

• Հայաստանի հարավային մարզեր (Սյունիք, Վայոց Ձոր)` “Գործընկերություն և ուսուցում” ՀԿ, (0284) 22319, 22317,  gumiso@gumiso.am – Աննա Ավետիսյան, anna@gumiso.am:
• Հայաստանի կենտրոնական մարզեր (Արարատ, Արագածոտն, Գեղարքունիք, Կոտայք, Արմավիր) և քաղաք Երևան՝ ՔԶՀՀ  (010) 586012, 586013, cdpf@cdpf.am – Տաթևիկ Մարգարյան, tatevik@cdpf.am:
• Հայաստանի հյուսիսային մարզեր (Տավուշ, Լոռի, Շիրակ)՝ ՀԿ կենտրոն, (0322) 43315, ngoc@ngoc.am – Արփինե Հակոբյան, arp-hak@mail.ru:

Միայն մրցույթ-հրավերի պահանջներին համապատասխանող թեկնածուները կտեղեկացվեն և հրավիրվեն հարցազրույցի: Մասնակիցների վերջնական ընտրությունը կկայացվի մինչև ս/թ. փետրվարի 15-ը:

 Ծրագրի ընթացքի և մանրամասների համար կարող եք դիմել “ՏԻՄ-երի կարողությունների զարգացում” ծրագրի ղեկավար՝ Աննա Ավետիսյանին, էլ. փոստ՝ anna@gumiso.am, annagor12@yahoo.com, հեռախոս՝ (0284) 22317, 22319, բջջ. 094 195524: 

                                   Կանխավ շնորհակալ ենք համագործակցության համար:  

Դիմում-հայտ